مينْ الحاكَمْ اطغَى
والصْغارْ شافو لَكْبار
بْصوتْ عالي تجْهر
غَنّاواْ
يَا الْحاكمْ كوَنكْ حْنينْ
يا الحالكم فرّح ِليتيمْ
يا الحاكم راني جيعَانْ
يا الحاكم باغي خُبزة
يا الحاكم راني بَردانْ
يالحالكم بْنيلى عشّة
يالحاكم راني عَرْيان
يالحاكم اعْطيني قشّة
يالحاكم راني عَيّان
يالحاكم بْنيلي مَشْفَى
يالحاكم كَلْبكْ غدّار
يالحاكم َربْطو مزْيان
يالحاكم يَظْلَم خُويا
يالحاكم المَخزنْ قتّال
يالحاكم اقْتلْ بويا
يالحاكم ارْفع الظُلم
يالحاكم بيّن الحَق
يالحاكم طبّق العدْل
يالحاكم بشَعْبك اْرفقْ
يالحاكم شَعْبك واحَدْ
يالحاكم ما يَتشْنقْ
يالحاكم العَرْبي واحدْ
يالحاكم مايَتفرّقْ
غنَاوا لَصْغارْ
وْصَحْت اَنَ يا
يا محْنةْ لقْطارْ
والعرْبي خُويا
مانَهزَمْ بالعار
ومات شهيد
مات بالنار
ومات عزيز
يامَحْنة لقْطارْ
تمنّيت أنا موتي
تتكْتبْ بالدّم
وْنموتْ شهيدْ
على حيطْ التّاريخْ
تتنْقشْ حْروفي
ومانْموتْ بالخوفْ
معذّبْ و َمنْسي
عْلى قبْري
ينْبَتْ الصّبار
ورْبيعي يصْفار
وينقْطع حَسّي
ماطْلبنا َشمْس
عْلى يْمينْ الحَاكَمْ
وَلا ڭَمْرة عْلى
شْمَالو
ماْطلبْناه يشْربْ
مَاء لبْحرْ
ولا يسْقي الشْجرْ
بَدْفالُو
ماطْلبْنا الحاكَمْ
يْخرّجْ منْ وَدْنو نَارْ
لا يسْحَرْ
ويخرّجْ منْ نّيفْ
بْخارو
حاكم منْ بكْري
غدّار بانَتْ
فَ اعْمالو
جوّع شعْبوا
غيّر جَلدو
ومينْ حْصلْ
هْرَبْ بْمَالو
حاكَمْ ذْليلْ
اسْتَحْلى السُلطَة
وف لْكُرسي غْرَزْ
اضْفارُو
وحاكَم مجْنونْ
يْبانْ..او َينْدسْ
يْخرّف..ويْهلوَس
ما سْلَمْنا مَن شرْ
افْكارو
َيتْوضَأ بالدّم
نيرونْ..جَبرونْ
َيحْرقْ.. شعْبوا
باشْ يَبْقى..
فمْكانو